موقع بلدتي
من وين عم بتجيب مياتك
قلّي يا نهر العاطفة قلّي
بعدو النبع بيصب جواتك
وبعدك على الضفات بتعلّي؟
نبع الحنان منشف وفاتك
باقي دموع العين تَ تملّي
دخلك يا أمي طولي بالك
يمكن بكبشو الرب يفدينا
يمّا بشي صندوق أحلالك
مننطر يجي فرعون يحمينا
قلبك يا أمي كيف رح ينسى؟
معقول من شمر الحقد أقسى؟
حز الحسين بسيف من خلفو
وأنت عملتِ عيونا مرسى
والله يا أمي (حر) ما أذنبت
وأختي بنت سنتين (معصومة)
بالمي رح أبقى أنا لو غبت
وأنتِ من الدّمعات محرومة