موقع بلدتي
زهقنا يا لين من اللعب بالدار
مشّي يا إختى نروح ع الجنة
هونيك جدي والحكايا كتار
بقصر الشهادة فوق مستني
رفاق الرسالة نسيت ودِّعهن
وراية أملنا تركتها معهن
وصورة لسيّدنا الإمام الصدر
ت يضل موسى الصدر يجمعهن
وأمي الحنونة نور عينينا
من دونها ولا يوم غنينا
نحنا بأمان بجنة الرحمان
الدنيا يا أمي ضاقت علينا
وبالمدرسة الفراق شو بيصعب
نترك صفوف الدرس والملعب
وصوت الجرس ورفاقنا ونركض
وقديش كنا من الفرح نتعب
حكاية قصيرة هيك قصتنا
لا تفكرونا بالفعل متنا
منطل كلما فتحت أزهار
وكلما قصايد حب ضمتنا